प्रधानमन्त्री देउवाले गरे नवौं राष्ट्रिय खेलकुद प्रतियोगिता अवलोकन

३ कात्तिक, पोखरा । प्रधानमन्त्री शेरबहादुर देउवाले पोखरामा जारी नवौं नवौं राष्ट्रिय खेलकुद प्रतियोगिता अवलोकन गरेका छन् । बिहीबार दिउँसो पोखरा आइपुगेका रंगशालामा आयोजित फुटबलको फाइनल खेल देउवाले अवलोकन गरेका हुन् ।

प्रतियोगिताको समापनका लागि प्रधानमन्त्री देउवा पोखरा पुगेका हुन् । पोखरालगायत गण्डकी प्रदेशका विभिन्न सहरमा गत २६ असोजदेखि सुरु भएको नवौं राष्ट्रिय खेलकुद प्रतियोगिता आज सकिँदैछ । प्रतियोगितामा विभिन्न प्रदेश र विभागीय टिमले सहभागिता जनाएका थिए ।

प्रतियोगिताकाे उद्घाटन उपराष्ट्रपति नन्दबहादुर पुन ‘पासाङ’ले असाेज २८ मा गरेका थिए ।