हात्तिले १ जना मानिसको ज्यान लिंदा बाघले २ जनालाई घाइते बनायो

♦ दीपक शर्मा
५ कार्तिक बर्दिया । बर्दियामा अलग अलग स्थानमा भएका जंगली जनावरको आक्रमणमा परी १ जनाको मृत्यु भएको छ भने अन्य २ जना घाइते भएका छन । बर्दियामा हात्तीको आक्रमणमा परी एक जनाको मृत्यु भएको छ भने बाघको आक्रमणमा परी २ जना घाइते भएका हुन

बर्दियाको बारबर्दिया नगरपालिका वार्ड न ७ का ४७ वर्षिय सोलिराम थारुको हात्तिको आक्रमणमा परी मृत्यु भएको जिल्ला प्रहरी कार्यालय बर्दियाका प्रहरी नायव उपरिइाक हिक्मतबहादुर बोहराले बताए । उनका अनुसार शनिवार विहान ‘मर्निङ वाक’ मा गएका थारुको जंगली हात्तीको आक्रमणमा परी मत्यु भएको हो । यसै गरी जिल्लाको मधुवन नगरपालिका ७ का सोम श्रेष्ठ र गुलरिया नगरपालिका १ का राकेश लोध बाघको आक्रमणमा परी घाइते भएका छन ।

लोधका अनुसार भारतिय जंगलबाट आएको बाघले आफुलाई एक्कासी झम्टिएको बताए उनको जिल्ला अस्पतालमा उपचार भैरहेको छ । घाइते मध्ये श्रेष्ठको अवस्था गम्भिर भएको र उनको नेपालगञ्जमा उपचार भैरहेको छ ।