नेपालीलाई मात्र नागरिकता र एक सय खर्बको अर्थतन्त्र एमालेको लक्ष्य

१५ कात्तिक, काठमाडौं ।  नेकपा एमालेले नेपालीलाई मात्र नाागरिकता र एक सय खर्बको आर्थिक लक्ष्यसहित चुनावी घोषणापत्र सार्वजनिक गरेको छ । मंगलबार दिउँसो काठमाडौंको याक एण्ड यति होटलमा अध्यक्ष केपी शर्मा ओलीले डिजिटल प्रविधिबाट आसन्न प्रतिनिधिसभा र प्रदेशसभा निर्वाचनका लागि पार्टीको घोषणा प्रविधिबाट सार्वजनिक गरेका हुन् ।

घोषणा पत्रमा पार्टीले अघि सारेको ‘समृद्ध नेपालः सुःखी नेपाली’को राष्ट्रिय संकल्पलाई निरन्तरता दिइएको छ । करिब २० हजार शब्द रहेको घोषणा पत्रमा मुलुकको समृद्धिका लागि राष्ट्रिय अर्थतन्त्रको निर्माणमा जोड दिइएको छ । घोषणा पत्रमा सूर्य चिन्हमा किन मतदान गर्ने भन्ने कुरालाई प्रष्ट्याउने प्रयास गरिएको बताइएको छ । घोषणा पत्र सार्वजनिक भएसँगै ‘ओलीसँग लाईभ डिबेट’ पनि यहीँबाट सुरु गरेका छन् ।

घोषणापत्रमा पार्टीले अघि सारेको ‘समृद्ध नेपालः सुःखी नेपाली’को राष्ट्रिय संकल्पलाई निरन्तरता दिइएको छ । करिब २० हजार शब्द रहेको घोषणा पत्रमा मुलुकको समृद्धिका लागि राष्ट्रिय अर्थतन्त्रको निर्माणमा जोड दिइएको छ । घोषणा पत्रमा सूर्य चिन्हमा किन मतदान गर्ने भन्ने कुरालाई प्रष्ट्याउने प्रयास गरिएको बताइएको छ ।

एमालेले आफ्नो घोषणापत्रमा २० वटा विषयमा ’ग्यारेन्टी’ गरेको छ । जसमा नेपालीलाई मात्र नागरिकता दिनेदेखि नेपालको अर्थतन्त्र १ सय खर्ब रुपैयाँ पु¥याउने लक्ष्य राखेको छ । त्यस्तै दस हजार लिटर पानी निःशुल्क बाँड्नेदेखि ५० युनिट बिजुली निःशुल्क बाँड्ने कुरा पनि एमालेले घोषणापत्रमा उल्लेख गरेको छ ।

एमालेले डिजिटल डिस्प्लेमा घोषणापत्रमा समेटिएको मुख्य विषयहरु प्रस्तुत गरिएको छ । एमालेले घोषणापत्रमा आगामी पाँच वर्षमा गर्ने कामलाई २० ग्यारेन्टीमा संक्षेपीकरण गरेको छ । त्यसैलाई घोषणापत्रमा व्याख्या गरिएको जानकारी दिइएको छ ।

एमालेको २० ग्यारेन्टी

१ पहिलो सेसनः समृद्धि अधिवेशन,
२. नेपालीलाई मात्र नागरिकता
३. हंगर नो लंगर
४. उत्पादन स्वदेशी:  बजार विदेशी
५. सुरक्षित छाना:  पुग्छ सबैको चाहना
६. कमाइ:  युवाको रोजाई
७. पढाइ:  भविष्यको जग बसाइ
८.सुगर प्रेसर:  भइन्न बिरामी औषधि बेगर
९. फ्रि मिटर:  १० हजार लिटर
१० फ्रि युनिट:  ५० युनिट
११ खेतबारीमा पानी:  खाडीमा हैन स्वदेशमै लगानी
१२ दिनदिनै सडक विस्तार:  विकासका पूर्वाधारको आधार
१३. भूमिगत तार:  सहर बजार
१४. नो लाइन:  सेवा अनलाइन
१५. ५ लाख रोजगार: न्यूनतम ज्याला २५ हजार
१६. समृद्धिसँगको नाता:  सबैको बैंक खाता
१७. स्वास्थ्य महिनावारी:  १५ सय वर्षभरि
१८. फाइभजी सञ्चार:  आइटीमा चमत्कार
१९. हामी समाजिम:  सभ्य नागरिक
२० हाम्रो अर्थ:  १०० वर्ष

सत्तारुढ गठबन्धनमा आबद्ध नेपाली कांग्रेस, नेकपा (माओवादी केन्द्र), नेकपा (एकीकृत समाजवादी)ले संविधानको रक्षालाई मूल नारा बनाएर यसअघि नै चुनावी घोषणा पत्र सार्वजनिक गरिसकेका छन् । सत्तारुढ गठबन्धनमा आवद्ध नेपाली कांग्रेस, नेकपा माओवादी केन्द्र, नेकपा (एकीकृत समाजवादी)ले संविधानको रक्षालाई मूल नारा बनाएर यस अघिनै चुनावी घोषणा पत्र सार्वजनिक गरिसकेका छन् ।