कोटेश्वरमा मोटरसाइकलको ठक्करबाट दुई वर्षीय बालकसहित ३ घाइते

१७ कात्तिक, काठमाडौं । कोटेश्‍वरस्थित भाटभटेनीनजिकै बुधबार राति मोटरसाइकलको ठक्करबाट ३ जना घाइते भएका छन् ।

बागमती प्रदेश–०२–०१६ प ८६२७ नम्बरको मोटरसाइकलले स्वयम्भू बस्ने उदयपुर गाईघाटकी ६० वर्षीया कमला, २० वर्षीया निरुता फुँयाल र २ वर्षीय दिपसन बराललाई हिजो साँझ ६ बजे ठक्कर दिएको थियो ।

सिनामंगल स्थित काठमाडौं मेडिकल कलेजमा घाइतेहरूको उपचार भइरहेको छ । मोटरसाइकलसहित र चालकलाई प्रहरी प्रभाग कोटेश्वरले नियन्त्रणमा लिएर अनुसन्धान गरिरहेको छ ।