नाबालिका करणी अभियोगमा एक जना पक्राउ

१७ कात्तिक, माेरङ । विराटनगरमा एक ६ वर्षीय नाबालिकालाई बलात्कार गरेको आरोपमा एक जना पक्राउ परेका छन् ।

विराटनगर महानगरपालिका-१२ की नाबालिकालाई करणी गरेको आरोपमा सोही वडाका इलेक्ट्रिसियन ३८ वर्षीय साजन कामतलाई प्रहरीले पक्राउ गरेको हो ।

कार्तिक ११ गते दिउँसो घरमा कोही नभएको बेला बलात्कार गरेको भन्दै उजुरी परेको र सोको आधारमा पक्राउ गरिएको प्रहरीले बताएको छ ।

पीडित बालिकाको आमा नभएकोले उनी घरमा बहिनीसँग बस्दै आएकी थिइन् । बावु ज्याला मजदुरी काम गर्छन् ।