कोल्डस्टोरमा ग्यास लिक हुँदा निसासिएर मिस्त्रीको मृत्यु

१७ कात्तिक, काठमाडौं । विराटनगर महानगरपालिका–४ मा रहेको रामजानकी कोल्ड स्टोरमा ग्यास लिक हुँदा निसास्सिएर एक जना कामदारको मृत्यु भएको छ ।

कोल्ड स्टोरमा बिहीबार दिउँसो अचानक ग्यास लिक हुँदा निसासिएर कोल्ड स्टोरका मिस्त्री विराटनगर–५ का ५४ वर्षीय रौदी चौधरीको मृत्यु भएको हो ।

कोल्ड स्टोरभित्र बेहोस भएको अवस्थामा चौधरीलाई फेला पारी उपचारका लागि विराटनगरस्थित विराट नर्सिङ होममा पुर्याउँदा चिकित्सकले मृत घोषणा गरेका थिए ।

चौधरीको शव पोस्टमार्टमका लागि कोसी अस्पताल लगेर प्रहरीले घटनाको अनुसन्धान सुरु गरेको मोरङ प्रहरीले जनाएको छ ।