कीर्तिपुरमा चितुवासँग मोटरसाइकल चालककाे जम्काभेट

१८ कात्तिक, काठमाडौं । कीर्तिपुरस्थित सडकमा चितुवालाई देखेर मोटरसाइकल चालक लडेका छन् । लडेर उनी घाइते भएका छन्।

बिहीबार राति करिब ९ बजे त्रिभुवन विश्वविद्यालय परिसरमा रहेको अन्तर्राष्ट्रिय क्रिकेट खेल मैदानअगाडि एक्कासी चितवा देखेपछि ब्रेक लगाउँदा मोटरसाइकल चालक निशान्त चौधरी पछारिएका थिए ।

रातको समयमा सडकमा एक्कासी चितुवा आउँदा गतिमा रहेको मोटरसाइकको ब्रेक लगाउँदा लडेर दुर्घटनामा भएको प्रहरी वृत्त कीर्तिपुरले जनाएको छ । घाइते निशान्तको कीर्तिपुर अस्पतालमा उपचार भइरहेको डिएसपी पाण्डेले बताए।

जंगलमा आहाराको अभावमा चितुवा बजार आइपुगेको अनुमान गरिएको छ ।