बोलेरो दुर्घटनामा ११ दिने शिशुको मृत्यु

२० कात्तिक, जनकपुर । धनुषामा गाडी दुर्घटना हुँदा ११ दिने शिशुको मृत्यु भएको छ । अन्य ६ जना गम्भीर घाइते भएका छन् । तीव्र गतिमा रहेको बालेरो अनियन्त्रित भएर पल्टिँदा नवजात शिशुको मृत्यु भएको हो । अन्य ६ जना गम्भीर घाइते भएका प्रहरीले जनाएको छ ।

आइतबार दिउँसो जनकपुरबाट ढल्केबरतर्फ जाँदै गरेको ना ३ च ३५७५ नम्बरको बोलेरो लक्ष्मीनिया गाउँपालिका नजिक अनियन्त्रित भई दुर्घटना भएको हो ।

दुर्घटनामा ११ दिने शिशुको मृत्यु भएको धनुषाका प्रवक्ता प्रहरी नायव उपरीक्षक प्रदिपबहादुर क्षेत्रीले जानकारी दिए । उनीहरुको नाम र ठेगाना खुल्न सकेको छैन । दुर्घटनामा गम्भीर घाइतेहरूकाे सेन्ट्रल हस्पिटलमा उपचार भइरहेको र घटनाको विस्तृत विवरण आउन बाँकी रहेको क्षेत्रीले बताए ।