हत्याको अभियोगमा लिम्बु पक्राउ, एक थान खुकुरी बरामद

२३ कात्तिक, धनकुटा । धनुकटामा हत्याको आरोपमा एकलाई प्रहरीले पक्राउ गरेको छ । छथर जोरपाटी गाउँपालिका–३ काजिमाने पिङडाँडा बस्ने ६२ वर्षीय भगिश्वर लिम्बुलाई खुकुरी प्रहार गरी हत्या गरेको अभियोगमा प्रहरीले तेजबहादुर लिम्बु पक्राउ गरेको हो ।

लिम्बु सोही ठाउँका बासिन्दा हुन् । उनलाई बुधबार बिहान प्रहरीले पक्राउ गरेको हो । आफ्नै घरमा बसिरहेका भगिश्वरलाई तेजबहादुरले खुकुरी प्रहार गर्दा मृत्यु भएको प्रहरीले जनाएको छ ।

घटनाको खबर पाउनसाथ प्रहरी चौकी छथर जोरपाटीबाट खटिएको प्रहरीले उनलाई खुकुरीसहित पक्राउ गरेको हो । घटनाबारे प्रहरीले थप अनुसन्धान गरिरहेको छ ।