डाेटी भूकम्प प्रभावितलाई राहत उपलब्ध गराउन माधव नेपालको आग्रह

२२ कात्तिक, काठमाडौं । नेकपा एकीकृत (समाजवादी)का अध्यक्ष माधवकुमार नेपालले डोटीमा भूकम्पका प्रभावितलाई तत्काल उद्धार र राहत उप्लध् गराउन सरकारसँग माग गरेका छन् ।

भूकम्पमा परेर ६ जनाको मृत्यु भएको खबरले आफू र सिंगो पार्टी स्तब्ध भएको बताउँदै अध्यक्ष नेपालले उक्त घटनामा परेर मृत्यु हुनेप्रति श्रद्धाञ्जली व्यक्त गरेका छन् ।बुधबार जारी विज्ञप्तिमा उनले शोक सन्तप्त परिवारप्रति समवेदना र घाइतेहरूको शीघ्र स्वास्थ्य लाभको कामना गरेका छन् ।

भूकम्पबाट प्रभावितहरुलाई तत्काल उद्धार र राहत प्रदान गर्न स्थानीय, प्रदेश र संघीय सरकारलाई आग्रह गर्दै घाइतेको उपचारमा कुनै कमी आउन नदिने सरकारको ध्यानाकर्षण गराएक छन् । साथै पीडितहरुको उद्धार र राहत व्यवस्थापनमा सहयोग गर्न उनले पार्टीका नेता–कार्यकर्तालाई पनि निर्देशन दिएका छन् ।

मंगलबार राति ९ बजेर ७ मिनेटमा डोटीको दिपायल केन्द्रबिन्दु बनाएर ५.७ म्याग्निच्युड र २ बजेर १२ मिनेटमा खप्तड राष्ट्रिय निकुञ्ज केन्द्रबिन्दु बनाएर गएको ६.६ म्याग्निच्युड भूकम्पले डोटीमा ६ जनाको मृत्यु भएको थियो ।