स्वतन्त्र उम्मेदवार सिंहले गरे अलौं र सिर्सियामा घरदैलो

२८ कात्तिक, बीरगञ्ज । प्रदेशसभाका स्वतन्त्र उम्मेदवार रुपेशमान सिंह सोमबार बीरगञ्जको वडा नम्वर २५ खलवा टोला सिर्सिया र वडा नम्वर १७ अलौका मतदाताको घरदैलोमा पुगेका छन् ।

पर्साको निर्वाचन क्षेत्र नम्बर २ ‘ख’बाट प्रदेशसभा सदस्यका लागि स्वतन्त्र उम्मेद्वारी दिएका सिंहलाई यस पटक जसरी पनि मतदान गरेर विजयी बनाउने मतदाताहरुले बताएका छन् ।

सिर्सिया र अलौ पुगेका सिंहलाई मतदाताले फुलमाला लगाएर भव्य स्वागत गरेका थिए । मतदाता स्वस्फूर्त रुपमा घरघरमा स्वागत गर्दै आशिर्वाद दिनुले आफूलाई हौसला मिलेको सिंहले बताए ।

दलीय गठबन्धनका उम्मेद्वारले केही गर्न नसक्ने भन्दै स्थानीयले अब काठमाण्डौमा स्वतन्त्र उम्मेद्वार विजयी हुँदा भएका काम जस्तै यहाँ पनि स्वतन्त्र उम्मेद्वारी दिएका सिंहलाई विजयी बनाए आफ्नो क्षेत्रले फड्को मार्ने विश्वास लिएका छन् । बिहानै देखि घरदैलोमा निस्किएका सिंहले स्थानीयको प्रतिकृया, सुझाव लिनुका साथै आफ्ना प्रतिबद्धता पनि मतदातासामु राखेका थिए ।

आफू निर्वाचित भए जनचाहना बमोजिम नै काम गर्ने भन्दै उनले अहिले पनि जनताकै बीचमा रहेर सेवा गरिरहेको बताएका थिए । घरदैलो अभियानमा अग्रज, युवा, महिला, बुद्धिजिवि लगायतको सहभागिता थियो ।