नेपाललाई युएईद्वारा २६४ रनको लक्ष्य

२८ कात्तिक, काठमाडौं । युएईले नेपाललाई २६४ रनको लक्ष्य दिएको छ । त्रिवि क्रिकेट मैदानमा टस हारेर ब्याटिङको निम्तो पाएको युएईले निर्धारित ५० ओभरमा ७ विकेट गुमाउँदै २६३ रन बनाएको हो ।

युएईका लागि रोहन मुस्ताफाले सर्वाधिक ५३ रन बनाए। सोमपाल कामीको बलमा आशिफ शेखबाट क्याच आउट हुनुअघि उनले ७३ बलमा ७ चौका प्रहार गरे।

उत्कृष्ट सुरूआत गरेको युएईले पहिलो विकेटका लागि ओपनर मोहम्मद वासिम र भित्या अर्बिन्दले १४।२ ओभरमा ७५ रनको साझेदारी गरेका थिए । गुल्सन झाबाट बोल्ड हुनु अघि मोहम्द वासिमले ४४ रन बनाए। उनले ४१ बलमा ६ चौका र १ छक्का प्रहार गरेका थिए।

भ्रितिया अर्बिन्दले ८२ बलमा ६ चौकासहित ४० रन बनाए । कप्तान सिपी रिजवानले २ रन बनाए। आलिसान सराफूले २ चौका प्रहारसहित ३९ बलमा २९ रन बनाए । बसिल अहमद १४ रन बनाउँदा आयल अफजाल खानले २६ रन बनाए । अहमद राजा २७ रनमा नटआउट भए ।

नेपालका लागि गुल्सन झाले २ विकेट लिँदा दीपेन्द्र सिंह ऐरी र सोमपाल कामीले १(१ विकेट लिए ।