कांग्रेसले थप ५ उम्मेदवार र प्रस्तावक-समर्थकलाई पार्टीबाट हटायाे

२८ कात्तिक, काठमाडौं । नेपाली कांग्रेसले थप ५ जनालाई निष्काशन गरेको छ । पार्टीविरोधी गतिविधिमा संलग्न रहेको आरोपमा महासमिति सदस्य मंगलबहादुर शाही, महाधिवेशन प्रतिनिधिद्वय धर्मेन्द्रप्रसाद यादव र रविन्द्रप्रसाद यादव तथा क्रियाशील सदस्य वीरेन्द्रप्रसाद यादवलाई निष्काशन गरेको हो ।

बारा जिल्ला समिति सदस्य रामएकवाल प्रसाद यादवलाई पनि निष्काशन गरिएको हो । उनीहरुलाई आनन्दप्रसाद ढुंगाना संयोजक रहेको अनुशासन समितिले निष्कासन गरेको हो ।

आगामी मंसिर ४ गते हुने निर्वाचनमा पार्टीका आधिकारिक उम्मेदवार र पार्टीले समर्थन गरेको उम्मेदवारविरुद्ध उम्मेदवार भएका र त्यस्ता उम्मेदवारको प्रस्तावक वा समर्थक भएकालाई ५ वर्षका लागि साधारण सदस्य समेत नरहने गरी निष्काशन गर्दै आएको छ ।