आमाछोरीको हत्यामा संलग्नताकाे आरोपमा घरेलु हतियारसहित एक युवक पक्राउ

२९ कात्तिक, काठमाडौं । नुवाकोटमा आमाछोरीको हत्या घटनामा संलग्नता रहेको आशंका सोधपुछका लागि प्रहरीले एक युवकलाई पक्राउ गरेको छ । पक्राउ पर्नेमा नुवाकोटको दुप्चेश्वर गाउँपालिका-५ का २१ वर्षीय पुस्कल भनिने सोनम तामाङ रहेको जिल्ला प्रहरी कार्यालय नुवाकोटले जनाएको छ ।

नुवाकोटको दुप्चेश्वर गाउँपालिका–५ बालकुमारीको भङ्गेरीमा सोमबार साँझ २० वर्षीया सम्झना पाण्डे (खतिवडा) र उनकी छोरी ३ वर्षीया कृष्टिनाको साेमबार राति विभत्स अवस्थामा हत्या भएको थियो । शव पिँढी र आँगनमा फेला परेको थियो ।

टनास्थलबाट सोनामले बोकेको घरेलु हतियार र उनको चप्पल भेटिएको प्रहरीले जनाएको छ ।
घटनालगत्तै उनी फरार रहेको पाएपछि काठामाडौंतर्फ जाने क्रमम आज बिहान पक्राउ गरेर जिल्ला प्रहरी कार्यालयमा ल्याएको प्रहरीले जनायो ।