चुनाव बिथाेल्ने गतिविधि गरेकाे आराेपमा वैद्यका ७ कार्यकर्ता गिरफ्तार

२९ कात्तिक, काठमाडौं । आसन्न आमचुनाव बिथोल्ने गतिविधि गरेको आरोपमा प्रहरीले महोत्तरीबाट मोहन वैद्य ‘किरण’ नेतृत्वका ७ जना नेता कार्यकतालाई गिरफ्तार गरेको छ । पक्राउ पर्नेमा पार्टीका केन्द्रीय सदस्य विरेन्द्र यादव, राजेश्वर यादवलगायतका ६ जना र गाडी चालक रहेको प्रहरीले जनाएको छ ।

उनीहरुलाई पर्चा वितरण, पोष्टरिङ तथा माइकिङ गर्दै हिँडेका अवस्थामा बलवा-७ बनौटा टोलबाट गिरफ्तार गरेको प्रहरीको दाबी छ । ज १ च ११७१ नम्बरको टाटा सुमो पनि नियन्त्रणमा लिइएको छ ।