मुख्यमन्त्री पोखरेलले गरे भौतिक पूर्वाधार मन्त्रीलाई बर्खास्त

२९ कात्तिक, पोखरा । गण्डकी प्रदेशका मुख्यमन्त्री कृष्णचन्द्र पोखरेलले भौतिक पूर्वाधार, सहरी विकास तथा यातायात व्यवस्था मन्त्री कुमार खड्का बर्खास्ती गरेका छन् ।

४ मंसिरमा हुने प्रतिनिधिसभा र प्रदेशसभा निर्वाचनमा नेपाली कांग्रेसका उम्मेदवारलाई असहयोग गरेको आरोपमा खड्कालाई बर्खास्त गरेका हुन् । मुख्यमन्त्री पोखरेलले खड्कालाई हटाएको जानकारीसहित पत्र प्रदेश प्रमुखको कार्यालयमा पठाएका थिए ।

साे पत्रअनुसार प्रदेश प्रमुखको कार्यालयले मंगलबार सार्वजनिक गरेको सूचनामा भौतिक पूर्वाधार मन्त्रालय मुख्यमन्त्री पोखरेलले नै सम्हाल्ने उल्लेख छ ।

कास्की क्षेत्र नंं २ को (ख) मा टिकटको आकांक्षी रहेका खड्का टिकट नपाएपछि रुष्ट थिए । सो क्षेत्रमा कांग्रेसले कानुनमन्त्रीसमेत रहेका विन्दुकुमार थापा उम्मेदवार बनाएपछि खडका थापालाई हराउने गतिविधिमा लाको आरोप छ ।