भक्तपुरमा आगलागीबाट एक युवतीकाे मृत्यु, अवस्था खतरामुक्त

३० कात्तिक, काठमाडौं । भक्तपुरको मध्यपुर ठिमी नगरपालिका– ६ राइटोलमा आज बिहान आगलागी हुँदा एक युवतीको मृत्यु भएको छ ।स्थानीय आत्मराम केसी र हरिशरण केसीको ३ तल्ले कच्ची घरमा आगलागी भएको थियो ।आगलागीमा परी ज्यान गुमाउनेमा आत्मराम २५ वर्षकी अस्मिता केसी रहेको जिल्ला प्रहरी परिसर भक्तपुरले जनाएको छ ।

सुस्तमनस्थिति र प्यारालाइसिसबाट समेत ग्रस्त अस्मिता घरभित्रै जलेको अवस्थामा फेला परेको प्रहरीले जनाएको छ । घरभित्रै रहेकी १४ वर्षकी नित्मा केसीलाई भने उद्धार गरी अस्पताल लगिएको र उनको अवस्था खतरामुक्त रहेको जनाइएको छ ।

आगलागीबाट के कति क्षति भयो भन्नेबारे यकिन विवरणा आउन बाँकी रहेको प्रहरीले जनाएको छ । आगलागी अग्नि नियन्त्रकको सहयोगमा निभाइएको थियो ।