सुनको भाउ उकालाे लाग्ने क्रम जारी, आज ताेलामा २०० रुपैयाँले बढ्यो

३०, कात्तिक, काठमाडौं । नेपाली बजारमा सुनको मूल्य तोलामा दुई दिनमा १ हजार २०० रुपैयाँले बढेको छ । मंगलबार १ हजार रुपैयाँले वृद्धि भएको सुन तोलामा आज थप दुई सय रुपैयाँ बढेको हो ।

नेपाल सुनचाँदी व्यवसायी महासंघका अनुसार बुधबार छापावाला सुन प्रतितोला ९८ हजार ४०० रुपैयाँ र तेजाबी सुन ९७ हजार ९०० रुपैयाँमा किनबेच भइरहेको छ ।

मंगलबार छापावाला सुन प्रतितोला ९८ हजार २०० रुपैयाँ र तेजाबी सुन ९७ हजार ७०० रुपैयाँ कारोबार भएको थियो ।
आज चाँदीको मूल्य तोलामा ३० रुपैयाँले घटेर १ हजार २९५ रुपैयाँ कायम भएको छ। मंगलबार तोलामा ३० रुपैयाँले बढेर १ हजार ३२५ रुपैयाँमा किनबेच भएको थियो ।

मंसिर महिना शुरु हुनै लाग्दा सुनको भाउ पनि उकालो लाग्ने क्रम शुरु भएको छ । याे महिनामा विवाहकाे लगन धेरै मात्रामा पर्दछ ।