चितवनमा गठबन्धनका उम्मेदवार उमेश श्रेष्ठको गाडी तोडफोड

३० कात्तिक, काठमाडाैं । चितवन क्षेत्र नं. २ बाट सत्ता गठबन्धनका साझा उम्मेदवार नेपाली कांग्रेसका उमेश श्रेष्ठको गाडी तोडफोड भएको छ । बुधबार बिहान ११ बजेतिर सडकमा रोकिरहेको प्राडो गाडी तोडफोड भएको हो ।

सडकमा रोकिराखेको बा ३ च २०५० नम्बरको प्राडो कारमा आज बिहान ११ बजेतिर गाडीमा स्कुटर र मोटरसाइकलमा आएका ५/६ जनाको अपरिचित समूहले तोडफोड गरेर फरार भएकाे मन्त्री श्रेष्ठका स्वकीय सचिव मदन राईले बताए । गाडीका सिसा सबै फुटाइएको छ ।

श्रेष्ठ सत्ता गठबन्धनको साझा उम्मेदवार नेपाली कांग्रेसबाट चितवन क्षेत्र नं. २ मा प्रतिनिधिसभाका उम्मेदवार श्रेष्ठ बहालवाला राज्यमन्त्री समेत हुन् । ताेडफाेडमा संलग्नहरूकाे खाेजी भइरहेकाे प्रहरीले जनाएकाे छ ।