पर्सामा १५ हजार थान नक्कली मतपत्र बरामद, भारतीय नागरिक पक्राउ

३० कात्तिक, काठमाडौं । पर्सामा १५ हजार थान नक्कली मतपत्रसहित एक जना भारतीय नागरिक पक्राउ परेका छन् । मंगलबार दिउँसो ३ बजे जगरनाथपुर गाउँपालिका वडा नं. २ दसौतास्थितबाट उक्त परिणामको नक्कली मतपत्रसहित एक जना बिहारका ४० वर्षीय इजाजत अहमदलाई पक्राउ गरेको जिल्ला प्रहरी कार्यालय पर्साले जनाएको छ ।

भारतीय नम्बर प्लेटको मोटरसाइकलबाट नेपाल आएका उनलाई १५ हजार थान नक्कली मतपत्र बरामद भएको थियो । अभियुक्त अहमदले उक्त मतपत्र मतदाता शिक्षाका लागि ल्याएको दाबी गरेपनि कसलाई दिन ल्याएको हो भन्ने खुलाउन इन्कार गरेको जनाइएको छ। थप अनुसन्धान बढाइएको छ ।