बर्दियाको १ मतदान केन्द्रमा बम विस्फोट : मतदाताहरुकाे भागाभाग, मतदान प्रकृया स्थगित  

♦ दीपक शर्मा

४ मंसिर, बर्दिया । बर्दियाको एउटा मतदान केन्द्रमा मतदान प्रकृया रोकिएको छ । बर्दियाको सदरमुकाम गुलरिया देखि ५ किलो मिटर पश्चिम तर्फ रहेको श्री शम्भुशरण माविको विहान मतदान प्रकृया सुरु भएको १ घन्टा भित्र मतदान रोकिएको छ

विहान करिब ९ वजेतिर मतदान भैरहेको स्थानमा टिनको छतमा भएको बम विस्फोट हुदा मतदाताहरु भागाभाग भएका थिए । जिल्ला प्रहरी कार्यालय बर्दियाका प्रहरी उपरिक्षक विरेन्द्रबहादुर शाहिका अनुसार मतदान भैरहेका बेला बाहिर बाट फालिएको वस्तु टिनको छतमा खसेपछि पटकिएको थियो ।

उनले भने अहिले सर्वदलिय वैठक वसीरहेको र मतदान स्थल चारैतिर सुरक्षा व्यवस्था थप कडा बनाइएको छ । मतदान स्थल वरी परी थप बम भएको हुन सक्ने भन्दै खोजतलास पनि जारी रहेको छ । मतदान कार्य रोकिएको छ । विस्फोट कसले गराएको हो भन्ने खुलेको छैन ।

यसै बिच बर्दियाको राजापुर नगरपालिका ८ धोविनपुर स्थित भेरी मावि ललितापुरु केन्द्र देखि १ सय मिटर पुर्व तर्फ एउटा प्रेसर कुकर बम फेला परेको छ । सो प्रेसर कुकर बम नेपाली सेनाले डिस्पोज गरेको छ ।