झापा १ मा कांग्रेसको चुनाव चिन्ह नभएको मतपत्र भेटिएपछि मतदान स्थगित

४ मंसिर, झापा । झापाको एक निर्वाचन क्षेत्रअन्तर्गत एक मतदान केन्द्रमा नेपाली काग्रेसको चुनाव चिन्ह नभएको मतपत्र भेटिएको छ ।

मेचीनगर नथरपालिका–१४ मा रहेको बाल सुबोधनी माध्यमिक विद्यालयमा रहेको मतदान केन्द्रमा रुख चुनाव चिह्न नभएको मतपत्र फेला परेको हो । मतदान सुरु भएको केही समयपछि मतपत्रमा रुख चुनाव चिह्न नभएको पाइएपछि उक्त स्थानको मतदान केन्द्रको मतदान स्थगित भएको छ ।

सो बारेमा सत्यतथ्य थप बुझ्न निर्वाचन अधिकृत त्यहाँ जाँदै गरेको झापाका प्रमुख जिल्ला अधिकारी छविलाल रिजालले बताए । झापा क्षेत्र नम्बर-१ मा नेपाली कांग्रेसका महामन्त्री विश्वप्रकाश शर्मा र नेकपा एमालेका उम्मेदवार अग्नि खरेल छन ।