मतदान गरेर घर फर्किरहेका दुई जनामाथि निर्घात कुटपिट

४ मंसिर, काठमाडौं । रामेछाप नगरपालिकामा भोट हालेर घर फर्किरहेका दुई जनामाथि निर्घात कुटपिट भएको छ । मतदान गरेर मोटरसाइकलमा घर फर्किँ दै गरेका वर्ष २१ का गोविन्द सुवेदी र वर्ष ४१ का देवीलाल सुवेदीमाथिरामेछाप नगरपालिका–८ डुम्रिखर्क भन्ने स्थानमा २ युवकमाथि निर्घात कुटपिट भएको हो ।

उनीहरूलाई सल्ले गाउँका ४ जना जनाको समूहले उनीहरुमाथि कुटपिट गरेको घाइतेहरूले बताएका छन् । समूहले ढुंगा र लाठीले हिर्काएकाे बताएका छन् ।

घाइतेहरुको उद्धार गरी अहिले जिल्ला अस्पताल रामेछापमा उपचार भइरहेको जिल्ला प्रहरी कार्यालय रामेछापका डिएसपी राजकुमार थिङले बताए । दुवै जनाको खुट्टा र टाउकोमा गहिरो चोट लागेको छ ।

घटनाबारे थप अनुसन्धान भइरहेको जानकारी उनले दिए । घटनामा संलग्नताको आरोपमा प्रहरीले एक युवकलाई पक्राउ गरेको र अन्यको खोजी भइरहेको प्रहरीले जनाएको छ ।