रुकुम पश्चिममा मतपत्र च्यातेर बाकस गुल्ट्याइयो

४ मंसिर, काठमाडौं । रुकुम पश्चिममा मतपेटिका गुल्ट्याइएको छ । मतपत्र समेतच च्यातिएकाे छ । आइतबार रुकुम पश्चिमको आठबीसकोट नगरपालिका वडा नं. ५ को गोतामकोट, वडा नम्बर १३ को निमावि घेत्मा र वडा नम्बर ११ को चौरको मतदान केन्द्रमा रहेका मतपेटिका गुल्ट्याइदिएको बताइन्छ । मतपत्र च्यातेर बाकसलाई गुल्ट्याइएको हो ।

बाकसमा क्षति पुर्याएको आरोपमा प्रहरीले विप्लव नेकपाको पश्चिम रुकुम जिल्ला सदस्य प्रकाश विक, युवा संगठनका पश्चिम रुकुम अध्यक्ष महेश बस्नेत र नेकपानकट विद्यार्थी संगठन अखिल (क्रान्तिकारी) केन्द्रीय सचिवालय सदस्य हरि पुनलाई गिरफ्तार गरेको नेकपाले जनाएको छ ।

अभियुक्तहरूले याेजनावद्ध रूपमा भोट हाल्न मतदानकेन्द्र प्रवेश गरेर बाकस कब्जामा लिई फ्याँकेका हुन् । नेकपाले जारी चुनावलाई खारेज गर्ने घोषणा गरेको छ । दलहरु चुनाव प्रचारमा रहेका बेला उसले झण्डाफोर अभियान चलाएको थियो ।