नवलपरासी पूर्वमा पनि मतपेटिकामा आगजनी

४ मंसिर, नवलपुर । नवलपरासी पूर्वको एक मतदान केन्द्रमा ब्यालेट बक्स (मतपेटिका)मा आगजनी भएको छ । देवचुली नगरपालिका-४ झाँक्रेको एक मतदान केन्द्रमा मतपेटिका आगजनी भएको हाे ।

शान्ति सिर्जना आधारभूत विद्यालय मतदान केन्द्रमा प्रदेशसभातर्फको समानुपातिक मतपत्र खसालेको मतपेटिकामा आगजनी भएको जनाइएकाे छ ।

आगजनी गरेको आरोपमा प्रहरीले नारायण भण्डारीलाई गिरफ्तार गरेको छ । भण्डारी विप्लव नेकपाका कार्यकर्ता रहेको आशंका गरिएको छ । बाजुरालगायत जिल्लामा पनि आइतबार मतपेटिकामा आगजनी तथा ताेडफाेड भएकाे छ ।