नवलपुरकाे मतपेटिकामा आगजनी एसिडबाट भएको दाबी

४ मंसिर, काठमाडौं । नवलपुरको देवचुली नगरपालिका वडा नं. ४ मा आइतबार दिउँसो मतपेटिकामा भएको आगजनी एसिडबाट भएको दाबी गरिएको छ । प्रतिनिधिसभा र प्रदेशसभा निर्वाचनका लागि झाक्रेस्थित शान्ति सृजना आधारभूत विद्यालय बुथमा प्रदेश समानुपातिकतर्फको मतपेटिकामा दिउँसो सवा ४ बजेतिर आगो लगोको थियो ।

एसिड प्रहारको अभियोगमा प्रहरीले स्थानीय नारायण भण्डारीलाई गिरफ्तार गरेको छ । भण्डारीमाथि मतपेटिकामा एसिड हालेर आगो लगाएर मतपत्रमा क्षति पुर्याएको आरोप लगाइएको छ । अभियुक्त भण्डारी मतदाताको रुपमा बाकससम्म पुगेको पाइएको छ ।