बाजुराकाे मतदान केन्द्रमा गोली लागेर ३ घाइते, एकको अवस्था गम्भीर

४ मंसिर, बाजुरा । बाजुराको त्रिवेणी नगरपालिका–७ स्थित मतदानस्थलमा गोली लागेर ३ जना घाइते भएका छन् । मतदानका क्रममा नेकपा एमाले र नेपाली कांग्रेसका कार्यकर्ताबीच झडपपछि स्थिति नियन्त्रणमा लिने क्रममा त्यहाँ तैनाथ सुरक्षाकर्मीले गोली चलाउँदा ३ घाइते भएका हुन् ।

घाइतेहरुको पहिचान खुलिनसकेको बाजुराका सहायक प्रमुख जिल्ला अधिकारी लोकेन्द्र विष्टले जानकारी दिएका छन् । घाइते सबै पुरूष रहेकाे बताएका छन् । घाइतेमध्ये एक जनाको अवस्था गम्भीर रहेको बताइएको छ । घाइतेहरुलाई नेपाली सेनाको हेलिकप्टरमार्फत अस्पताल लगेको बताइन्छ ।