गाेरखा २ मा प्रचण्डले धाँधली गरेकाे एमाले आराेप, पुनः मतदानकाे माग गर्दै सर्वदलीय बैठक बहिष्कार

५ मंसिर, पोखरा । आइतबार भएको प्रतिनिधिसभातर्फ गोरखा क्षेत्र नं. २ बाट उम्मेदवार रहेका नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले चुनावी धाँधली गरेको भन्दै मुख्य प्रतिस्पर्धी नेकपा (एमाले)ले पुनः मतदान गर्नुपर्ने माग गरेको छ ।

क्षेत्र नं. २ मा प्रचण्डको निर्देशनमा थुप्रै मतदान केन्द्रमा धाँधली गरेको दाबी एमालेको छ । मत गणनाका लागि मुख्य निर्वाचन अधिकृतले सोमबार बिहान बोलाएको सर्वदलीय बैठक एमालेले बहिष्कार गरेको छ ।

यस क्षेत्रमा पुनः मतदान नगरेसम्म सर्वदलीय बैठकमा सहभागी नहुने अडान एमालेले लिएको छ । तैपनि अधिकृतले भने आजै दिउँसो ४ बजे पुनः सर्वदलीय बैठक बोलाएको कार्यालयले जनाएको छ ।

चितवन क्षेत्र नं. ३ का मतदाता रहेका प्रचण्ड गोरखा २ बाट प्रतिनिधिसभा सदस्यका उम्मेदवार उठेका छन् । उनलाई सरकारको नेतृत्व गरिरहेको नेपाली कांग्रेस, सरकारमा सहभागी दल नेकपा (एकीकृत समाजवादी)लगायतको समर्थन रहेको छ ।

गोरखाकै क्षेत्र नं. १ मा पनि माओवादीले धाँधली गरेको आरोप एमालेको छ । यस क्षेत्रमा पनि एमालेले पुनः मतदानको माग राखेर क्षेत्र नं. २ मा जस्तै मुख्य निर्वाचन अधिकृतको कार्यालयमा निवेदन दिएको छ