काठमाडौं ९ मा एमालेका कृष्णगोपाललाई झिनो मतकाे अग्रता, स्वपार्टीका टेकबहादुर पछ्याउँदै

५ मंसिर, काठमाडौं । काठमाडौं क्षेत्र नम्बर ९ मा नेकपा (एमाले)का उम्मेदवार कृष्णगोपाल श्रेष्ठले झिनो मतले अग्रता लिएका छन् । उनलाई राष्ट्रिय स्वतन्त्र पार्टी (रास्वपा)का उम्मेदवार टेकबहादुर बस्नेतले पछ्याइरहेका छन् ।

अहिलेसम्म २ हजार २८६ मत गणना हुँदा एमालेका श्रेष्ठले ५६४ ल्याएका छन् भने बस्नेतले ५६१ ल्याएका छन् । राष्ट्रिय स्वतन्त्र पार्टीका टेकबहादुर बस्नेतभन्दा ३ मतले अघि छन् ।

यस्तै नेकपा (माओवादी केन्द्र)की कल्पना धमला ३४५ मतसहित तेस्रो स्थानमा छन् । यस्तै नेपाल मजदुर किसान पार्टीका सुमन महर्जन २६० मतसहित चौथो स्थानमा छन् भने राष्ट्रिय प्रजातन्त्र पार्टीका देवेन्द्र प्रधानले २६० मत ल्याएका छन् ।

अहिलेसम्म बदर मत संख्या ९८ रहेकाे निर्वाचन अधिकृतकाे कार्यालयले जनाएकाे छ । २०७४ को निर्वाचनमा यो क्षेत्रमा एमाले कृष्णगोपल श्रेष्ठ नै विजयी भएका थिए । त्यसपछि उनी शिक्षा मन्त्री समेत भएका थिए ।