रवि लामिछानेकाे निर्वाचन क्षेत्रमा मतगणना प्रारम्भ

५ मंसिर, चितवन । राष्ट्रिय स्वतन्त्र पार्टी (रास्वपा)का अध्यक्ष रवि लामिछाने उम्मेदवार रहेको चितवन क्षेत्र नम्बर २ को मतगणना केहीबेर अघिमात्र सुरु भएको छ ।

निर्वाचन अधिकृतको कार्यालयले मतगणना दिउँसाे साढे २ बजेदेखि सुरु भएको जानकारी दिएको छ । रास्वपा नवगठित राजनीतिक दल हाे ।

सो क्षेत्रमा कांग्रेसबाट उमेश श्रेष्ठ र एमालेबाट कृष्णभक्त पोखरेल उम्मेदवार रहेका छन् । श्रेष्ठ र पोखरेल यसअघि पनि सांसद थिए । श्रेष्ठ मन्त्री समेत बनेका छन् ।