काठमाडौं २ मा ओनसरी तेस्रो स्थानमा झरिन्, रास्वपाकी सोबिता पहिलाे स्थानमा उक्लिइन्

५ मंसिर, काठमाडौं । काठमाडौं क्षेत्र नं. २ मा नेकपा (माओवादी केन्द्र)की ओनसरी घर्ती तेस्रो स्थानमा झरेकी छन् । सोमबार दिउँसो भएको पछिल्लो मत गणनाअनुसार एक हजार २ मत गणना हुँदा घर्तीले १८१ मत ल्याएकी छन् ।

राष्ट्रिय स्वतन्त्र पार्टीका उम्मेदवार अग्र स्थानमा उक्लिएकी छन् । स्वतन्त्रकी सोबिता गौतमले ३३३ मत ल्याएकी छन् । नेकपा (एमाले)का उम्मेदवार मणिराम फुयालले २१७ ल्याएर दोस्रो स्थान ओगटिरहेका छन् ।

राप्रपा उम्मेदवार कुन्तीदेवी पोखरेलले १६३ मत पाएकी छन् । यो क्षेत्रबाट २०७४ सालको निर्वाचनमा एमालेबाट माधवकुमार नेपाल निर्वाचित भएका थिए । नेपाल यसपटक आफ्नै नेतृत्वको नेकपा (एकीकृत समाजावादी)बाट गृह जिल्ला रौतहटबाट मात्र उम्मेदवार छन् ।