मुस्ताङ (ख) मा कांग्रेसका विकल शेरचन विजयी

५ मंसिर, पोखरा । मुस्ताङको प्रदेशसभा (ख) बाट नेपाली कांग्रेसका उम्मेदवार विकल शेरचन विजयी भएका छन् ।शेरचनले नेकपा एमालेका चन्द्रमोहन गौचनलाई न्यून मत संख्याले पराजित गरेका हुन् । विजयी शेरचनले २ हजार ७२३ मत ल्याउँदा निकटतम् प्रतिद्वन्द्वी गौचनले २ हजार ५६५ मत पाएका छन् ।

योसँगै मुस्ताङमा प्रतिनिधिसभा तथा प्रदेशसभा दुवैमा नेपाली कांग्रेसका उम्मेदवार निर्वाचित भएका छन् । प्रतिनिधिसभामा योगेश गौचन थकाली निर्वाचित भइसकेका छन् । प्रदेशसभा (क) मा कांग्रेसकै नम्डु गुरुङ निर्वाचित भएका छन् ।