भीम रावलको क्षेत्रमा एकीकृत समाजवादी अगाडि

६ मंसिर, अछाम । नेकपा (एमाले)का प्रभावशाली नेता भीम रावलको गृह निर्वाचन क्षेत्रसमेत रहेको अछाम १ मा सत्ता गठबन्धनतर्फका एकीकृत समाजवादीले अग्रता लिएको छ ।

१४ हजार ६९७ मत गणना हुँदा श्रममन्त्रीसमेत रहेका शेरबहादुर कुँवर ८ हजार ३१ मतसहित अगाडि छन् । उनलाई एमालेका झपट बोहरा ४ हजार ८१५ मतसहित पछ्याइरहेका छन् ।

स्वतन्त्र उम्मेदवार राजन कुँवरको मत भने ९४२ रहेको छ । यहाँ कुल ४१ हजार ६४३ मत खसेको थियो । नेता भीम रावललाई एमाले अध्यक्ष केपी शर्मा ओलीले सुनियाेजित तरिकाले टिकट नदिएका हुन् ।