यी हुन् घन्टीलाई अग्रता दिलाउने उम्मेदवारहरू

६ मंसिर, काठमाडौं । राष्ट्रिय स्वतन्त्र पार्टीले जारी मतगणनामा अहिलेसम्म ८ वटा निर्वाचन क्षेत्रमा अग्रता लिइरहेको छ । काठमाडौंका तीन र सुनसरीका दुई निर्वाचन क्षेत्रसहित ललितपुर, चितवन, कास्की, रूपन्देही, नवलपरासी, झापाका निर्वाचन क्षेत्रमा स्वतन्त्रबाट घन्टी चिन्ह लिएर उठेका उम्मेदवारले अग्रता लिइरहेका हुन् ।

काठमाडौं क्षेत्र नम्बर २ मा राष्ट्रिय स्वतन्त्र पार्टीकी उम्मेदवार सोबिता गौतमले ३८५४ मतसहित अग्रता लिएकी छिन् ।

उनलाई एमालेका मणिराम फुयाँलले पछ्याइरहेका छन् । माओवादी केन्द्रकी ओनसरी घर्ती तेस्रो स्थानमा रहेकी छन् ।
यस्तै, काठमाडौं ८ मा घण्टी चिन्हका विराजभक्त श्रेष्ठ ६ हजार १ सय ८ मत ल्याएका छन् । काठमाडौं ६ का उम्मेदवार शिशिर खनालले ३६ सय ६१ मतसहित अगाडि छन् ।

ललितपुर क्षेत्र नम्बर ३ मा राष्ट्रिय स्वतन्त्र पार्टीकी उम्मेदवार डा. तोसीमा कार्कीले ४९ सय १० मत ल्याएकी छिन् । उनलाई एमालेका अमृत खडकाले पछ्याइरहेका छन् ।

यस्तै, चितवन १ मा हरी ढकाल १७९२ मतसहित अग्रता लिइरहेका छन् । कास्की २ मा घन्टी चुनाव चिन्हका उम्मेदवार माधवप्रसाद कँडेल २४ सय ३१ मतसहित अग्र स्थानमा छन् । रूपन्देही २ मा गणेश पौडेल १ हजार ९६ मतसहित अघि छन् ।

नवलपरासी बर्दघाट पश्चिम १ मा घण्टीका उम्मेदवारले ३९५९ मत ल्याएका छन् । झापा ४ मा शम्भु ढकाल १७ सय ८१ मतसहित अग्रता लिइरहेका छन । राष्ट्रिय स्वतन्त्र पार्टीका सभापति रवि लामिछाने भने चितवन २ मा तेस्रो स्थानमा परेका छन्र ।