मकवानपुरमा कांग्रेसकी डिना अघि, दोस्रोमा राप्रपा नेपालका कमल थापा

६ मंसिर, मकवानपुर । मकवानपुर जिल्लाको प्रतिनिधिसभा सदस्यका लागि क्षेत्र नं १ मा ११०४६ मत गन्दा पाँच दलीय गठबन्धनको तर्फबाट नेपाली कांग्रेसकी महालक्ष्मी उपाध्याय डिनाले पाँच हजार दुई सय ४७ मत ल्याएर अग्रता लिएका छिन।

दोस्रो स्थानमा राप्रपा नेपालका अध्यक्ष कमल थापाले तीन हजार छ सय ९५ मत ल्याएका छन, भने राप्रपाका दीपकबहादुर सिंहले १०१० मत प्राप्त गरेका छन् । यसैगरी क्षेत्र नं २ मा आठ हजार सात सय ९६ मत गणना हुँदा नेकपा एमालेका महेश बर्तौलाले चार हजार आठ सय ५४ मत प्राप्त गरी अग्रता लिएका छन् ।

दोस्रो स्थानमा पाँच दलीय गठबन्धनका नेकपा एकीकृत समाजवादीका विरोध खतिवडाले चार हजार चार सय ४३ मत प्राप्त गरेका छन, भने राष्ट्रिय स्वतन्त्र पार्टीका भरत प्रसाद पराजुलीले ११८७ मत प्राप्त गरेका छन् ।