डडेल्धुरामा देउवासँग चुनावी प्रतिस्पर्धामा उत्रिएका ढकाल ४ हजार मत अन्तरले पछि

६ मंसिर, काठमाडौं । डडेल्धुरामा पनि प्रतिनिधिसभा सदस्यको मतगणना जारी छ । जारी मतगणनामा प्रधानमन्त्री एवम् नेपाली कांग्रेसका सभापति शेरबहादुर देउवासँग चुनावी प्रतिस्पर्धामा उत्रिएका सागर ढकाल ४ हजारभन्दा बढी मत अन्तरले पछि परेका छन् ।

जारी मत गणनाको पछिल्लो जानकारी अनुसार १९ हजार ५९६ मत गणना हुँदा प्रधानमन्त्री देउवाले ९ हजार ७७३ र ढकालले ५ हजार १९३ मत पाएका छन् । देउवा र ढकालबीचको मत अन्तर ४ हजार ५८० छ । नेकपा एमालेको समर्थन पाएका नेपाली कांग्रेस ९बीपी०का उम्मेदवार कर्णबहादुर मल्लले २ हजार ६९४ मत पाएका छन् ।