काठमाडौं ९ मा एमालेका कृष्णगोपालले बाजी मारे

६ मंसिर, काठमाडौं । काठमाडौं ९ बाट प्रतिनिधिसभा सदस्यमा नेकपा (एमाले)का कृष्णगोपाल श्रेष्ठ निर्वाचित भएका छन् । श्रेष्ठ ११ हजार ९५६ मतसहित विजयी भएका हुन् । श्रेष्ठका निकटतम् प्रतिद्वन्द्वी राष्ट्रिय स्वतन्त्र पार्टीका टेकबहादुर पोखरेलले १० हजार ९६१ मत प्राप्त गरे ।

सत्ता गठबन्धनकी उम्मेदवार नेकपा माओवादी केन्द्रकी कल्पना धमला ६ हजार ४०२ मतसहित तेस्रो स्थानमा चित्त बुझाउन विवश भइन् । विजयी श्रेष्ठ यसअघि २०४९, २०५१ र २०७४ सालका आम निर्वाचनमा विजयी बनेका थिए ।