काठमाडौं ३ मा कांग्रेस उम्मेदवार चालिसेलाई अग्रता

६ मंसिर, काठमाडौं । काठमाडौं क्षेत्र नंं. ३ मा कांग्रेसका उम्मेदवार सन्तोष चालिसेले प्रतिद्धन्द्धीको भन्दा दुई हजार बढी मतले अग्रता लिएका छन् । पछिल्लो मतपरिणमअनुसार २७ हजार पाँच सय १५ मत गन्दा चालिसेले १० हजार ६ सय एक ल्याएका छन् ।

 उनका निकटतम्र प्रतिद्वन्द्वी नेकपा (एमाले)का कृष्णबहादुर राईले आठ हजार ३२ मत प्राप्त गरेका छन् । यस्तै, राष्ट्रिय स्वतन्त्र पार्टीका उम्मेदवारले चार हजार दुई सय १८ मत ल्याएका छन् । यहाँ कुल ३९ हजार ९० मत खसेको थियो ।