रामेछाप (क)मा एमालेका पौडेललाई अग्रता

६ मंसिर, काठमाडौ । रामेछापको (क)मा एमालेका शान्तिप्रसाद पौडेलले लिएका छन् । मंगलबारबाट शुरु गरिएको मत गणनाको सुरुवातीमा माओवादी केन्द्रका तारानारायण श्रेष्ठले अग्रता लिएका थिए । तर बुधबार बिहानबाट पौडेलले अग्रता लिएका छन् ।

पछिल्लो मतपरिणाम अनुसार पौडेलले ४३३९ मत प्राप्त गर्दा श्रेष्ठले ४१४९ मत प्राप्त गरेका छन् । मत गणना जारी छ । पौडेल यसअघि वाग्मती प्रदेश मन्त्री बनेका थिए । श्रेष्ठ द्वन्द्वकालीन प्रभावशाली नेता हुन् ।

एउटै मात्र प्रतिनिधिसभा सदस्यको निर्वाचन क्षेत्र रहेको रामेछापमा प्रदेशसभा तर्फ दुवै स्थानमा माओवादी केन्द्र र प्रतिनिधिसभा नेपाली कांग्रेसलाई भागबण्डा गरिएको छ । माधवकुमार नेपाल नेतृत्वको एकीकृत समाजवादीले पनि प्रतिनिधिसभातर्फ शाहीकालीन जिल्ला सभापति समेत बनेका रमेश बस्नेतलाई उम्मेदवार बनाएको छ । बस्नेत मन्थली नगरपालिकाका निवर्तमान प्रमुख हुन् ।

प्रदेश (ख)मा एमालेबाट मिलनकुमार घिसिङ र माओवादी केन्द्रबाट युवराज चौलागाँइ उम्मेद्वार छन् । प्रतिनिधिसभामा स्वतन्त्र उम्मेदवार मिलनकुमार लामा उम्मेदवार छन् । उनी माओवादी केन्द्रका असन्तुष्ट पक्ष (पूर्वजनमोर्चा)को समर्थनमा उम्मदवार बनेका हुन् ।