रामेछापमा प्रदेशसभा चुनावमा पराजयपछि एकीकृत समाजवादीका बस्नेतले माफी माग्दै पार्टी छाडे

८ मंसिर, काठमाडौं । आइतबार सम्पन्न प्रदेशसभा (क)मा उम्मेदवार रहेका माधवकुमार नेपाल नेतृत्वको नेकपा (एकीकृत समाजवादी)का उम्मेद्वार रमेश बस्नेतले नगन्य मत ल्याएका छन् ।

प्रतिनिधिसभातर्फ खसेको ९० हजार मतमध्ये १८ हजार मत गणना हुँदा रामेछापमा नेपाली कांग्रेसका कान्छाराम ८७०८ र एमालेका कैशल ढुंगेलले ६७४८ मत प्राप्त गरेका छन् । तर बस्नेतले भने जम्मा ४६६ मत मात्र प्राप्त गरेका छन् । मत गणना झण्डै ७३ हजार बाँकी छँदा कलम चिन्हबाट चुनाव लडेका बस्नेतको लजास्पद हार भएकाे छ । लज्जास्पद मत परिणामपछि उनले सामाजिक संजाल फेसबुकमा भावुक सन्देश पोष्ट गर्दै मतदातासँग माफी मागेका छन् ।

साथै उनले रामेछापमा आफू नेतृत्वको एकीकृत समाजवादी अस्वीकृत र असफल भएको बताउँदै पार्टी सदस्यहरु विस्थापित भएका स्वीकार गरेका छन् । आफ्नै कारण पार्टी र जनता तथा सहकर्मीहरु अपठ्यारोको परेको पनि उनले स्वीकार्दै जानीनजानी गरिएका भूलहरुप्रति क्षमाा मागेका छन् । पार्टीमा रहेर अर्कैका निम्ति काम गर्ने साथीहरुप्रति सम्मान व्यक्त गर्दै अन्तिम सास रहिञ्जेलसम्म सहयाेगी रहने प्रतिवद्धता समेत व्यक्त गरेका छन् ।

एकीकृत समाजवादीका जिल्ला सभापतिसमेत रहेका उनी मन्थली नगरपालिकाका निवर्तमान प्रमुख समेत हुन् । एमालेमा छँदा उनी नगरप्रमुखमा निर्वाचित भएका थिए । तर पार्टी विभाजित हुँदा एकीकृत समाजवादी रोजे । जिल्ला जिम्मेवारी लिए । प्रतिनिधिसमाको चुनाव प्रचारका क्रममा उनले आफू सम्मानजनक मतसहित निर्वाचन जित्ने बताउँदै मत मागेका थिए ।

बस्नेत शाहीकालमा जिल्ला सभापति नियुक्त्रि पाएका थिए । राजन्त्र ढलेपछि केही वर्ष निष्क्रिय रहेका उनी एमाले बनेका थिए । एमालेमा नगरप्रमुख सम्मन बन्न सपफल भएका थिए ।

एकीकृत समाजवादीकाे रामेछाप जिल्ला इन्चार्ज देवशंकर पाैडेल छन् । पूर्व सांसद रहेका पाैडेल पनि पार्टी विभाजनमा एमाले त्यागेका थिए ।