रौतहट आगलागीमा एकै परिवारका ३ बालबलिकाको मृत्यु

८ मंसिर, काठमाडौं । रौतहटको गौर नगरपालिका–१ माइस्थानचोकस्थित एक गोदाममाआगलागी हुँदा एकै परिवारका तीन जनाको मृत्यु भएको छ। माइस्थानचोकमा रहेको इस्लाम सिरक डसना गोदाममा आगलागी भएको थियो ।

गएराति भएको आगलागीबाट रौतहट गौर नगरपालिका–१ का महम्द इस्लाम मियाँकोको छोरी ९ वर्षीया रोक्शाना, ५ वर्षीया छोरी सबना, र ७ वर्षीय छोरा इमरानको मृत्यु भएको रौतटह प्रहरीले जनाएको छ । रसुल मियाँको छोरी २४ वर्षीया नसिमा खातुन, २५ वर्षका मोहम्मद इसराइल, ८ वर्षीय मोहम्म इरमान घाइते भएका छन् ।

घाइतेहरूकाे गौर र वीरगन्ज न्यूरो अस्पतालमा उपचार भइरहेको छ। आगलागीबाट ४० लाख रूपैयाँ बराबरको क्षति भएको प्रहरीले जनाएको छ।

गएराति साढे ११ बजेतिर आगो लागेको र झण्डै ३ घण्टापछि मात्र आगो नियन्त्रणमा आएको थियो । आगो नियन्त्रण गर्न नेपाल प्रहरी, सशस्त्र प्रहरी, नेपाली सेना र स्थानीय खटिएका थिए ।