खोटाङमा माओवादी केन्द्रका रामकुमार राईसँग एमालेका विशाल भट्टराई पराजित

८ मंसिर, काठमाडौं । खोटाङबाट प्रतिनिधिसभा सदस्यमा सत्ता गठबन्धनका उम्मेदवार नेकपा (माओवादी केन्द्र)का उम्मेदवार रामकुमार राई ‘पासाङ’ विजयी भएका छन् ।

राईले नेकपा (एमाले)का प्रभावशाली नेता विशाल भट्टराईलाई २ हजार ६६९ मतान्तरले पछि पारे । राईले ३१ हजार ३५१ मत पाउँदा भट्टराईले २८ हजार ६८२ मत ल्याए ।

अन्तिमपरिणाम अनुसार जनता समाजवादी पार्टीका कृष्णकुमार राईले जम्मा एक हजार ९१४, राप्रपाका सर्जु श्रेष्ठले एक हजार ७१६, स्वतन्त्र उम्मेदवार जयन्द्रकुमार राईले २३९, आमूल परिवर्तन मसिहा पार्टीका चन्द्रमणि राईले २०४ मत पाएका छन् ।

यसतै, नेपाल मजदुर किसान पार्टी (नेमाकिपा)का भोजराज बस्नेतले १४० र मंगोल नेसनल अर्गनाइजेसनका दीपक मगरले १३१ मत प्राप्त गरेका छन् ।

भट्टराई यसअघिका प्रतिनिधिसभामा एमालेमा प्रमुख सचेतक थिए ।