जनमत पार्टीलाई प्रदेशसभामा अर्को सफलता, सप्तरी १ (ख)बाट सकिल मियाँ विजयी

८ मंसिर, सप्तरी । चन्द्रकान्त (सिके) राउत नेतृत्वको जनमत पार्टीलाई प्रदेशसभा तर्फ थप सफलता मिलेको छ । उसले यसअघि सप्तरी २ मा राउतले प्रतिनिधिसभा सदस्यमा विजयी भइसकेको अवस्थामा सप्तरीकै ४ को प्रदेश सभामा पनि सफलता पाइसकेको छ ।

सप्तरी १ को (ख)बाट प्रदेशसभामा जनमत पार्टीका उम्मेदवार सकिल मियाँ जनता समाजवादी पार्टी (जसपा)का उम्मेदवारलाई दोस्रोमा पारी निर्वाचित भएका छन् ।

मियाँ १६ हजार ५७७ मत ल्याएर निर्वाचित भएका निर्वाचन अधिकृतको कार्यालयले जनाएको छ । मियाँका निकटतम प्रतिद्वन्द्वी जसपाका सुदम्बर यादवले ९ हजार ८ सय ८८ मत प्राप्त गरेका छन् ।

सत्ता गठबन्धना आवद्ध दलहरुको समर्थन पाएका नेपाली कांग्रेसका उम्मेदवार बद्रीनारायण माहात्मण यादवले ६ हजार ६१० मत प्राप्त गरे ।