मोरङ–६ मा डा. कोइरालाको जित निश्चित, साढे ८ हजारले लालबाबु पछाडी

८ मंसिर, विराटनगर ।  मोरङको क्षेत्र नम्बर ६ मा सत्ता गठबन्धनबाट कांग्रेसका उम्मेदवार डा. शेखर कोइराला विजय नजिक पुगेका छन् । उनले विपक्षी एमालेका उम्मेदवार लालबाबु पण्डितलाई ८ हजार ५ सय ४३ मतले पछि पारेका छन् ।

मोरङ क्षेत्र नम्बर ६ को पछिल्लो मत परिणाम अनुसार ६८ हजार ५ सय ७६ मत गणना हुँदा नेपाली कांग्रेसका नेता डा. कोइरालाले २७ हजार ३ सय ८१ मत पाएका छन् । नेकपा एमालेका उम्मेदवार लालबाबु पण्डितले १८ हजार ८ सय ३८ मत पाएका छन् ।

प्रतिनिधिसभा सदस्यतर्फका दुबै उम्मेदवारबीच मतान्तर ८ हजार ५ सय ४३ रहेको छ । अर्थात कोइराला पण्डितभन्दा ८ हजार ५ सय ४३ मतले अगाडी छन् । हाससम्म सुन्दरहरैंचा नगरपालिका, बुढिगंगा गाउँपालिका र विराटनगर महानगपालिकाका ४,५ र ६ वटा वडाको मत गणना सकिएको छ ।