आजको खेल हारे अर्जेन्टिनाको अवस्था के हुन्छ ?

१४ मंसिर, काठमाडौं । कतारमा जारी फिफा विश्वकप २०२२ अन्तर्गत आज हुने ४ खेलमध्ये एउटा खेलमा अर्जेन्टिना र पोल्याण्डले प्रतिस्पर्धा गर्नेछन् । खेल नेपाली समय अनुसार राति १२ः४५ बने हुनेछ ।

समूह ‘सी’ तर्फका मेक्सिको र साउदी अरेबियाबीचको खेल पनि सोही समयमा हुनेछ । आजको खेलबाट यो समूहका खेल जित्ने दुई टिम अन्तिम १६ मा पुग्ने टुंगो लाग्नेछ । हार्ने टिम समूह चरणबाटै घर फर्कनेछन् ।

विश्वकपको दाबेदारका रुपमा हेरिएको अर्जेन्टिनालाई आजको खेल जित्नै पर्ने बाध्यता छ । किनकि अंकको हिसाबले उसलाई यो बाध्यता आइलागेको हो । समूह चरणको पहिलो खेलमा अर्जेन्टिना साउदी अरेयियासँग १–२ गोलले हारेको थियो । त्यसपछिको खेलमा भन उसले मेक्सिकोलाई २–० ले हरायो ।

मेक्सिकोलाई निल हर्थात २–० गोल अन्तरले हराएका कारण उसको नकआउट चरण अर्थात अन्तिम १६ मा प्रवेशसको संभावना त जीवितै छ, तर आजको खेलमा मेक्सिको जितेमा अर्जेन्टिना अंकतालिकामा तल पर्नेछ । दुई खेलबाट ३ अंक मात्र रहेको अर्जेन्टिनाले अन्तिम १६ मा स्थान पक्का गर्न पोल्याण्डलाई हराउनै पर्नेछ । अर्जेन्टिनाका विश्वप्रख्यात खेलाडी लियाेनल मेस्सीको खेल पोल्याण्डका रोवर्ट लेवान्डोस्कीसँग पर्दैछ ।

यदि पोल्याण्डसँग बराबरी खेलेमा अर्जेन्टिनाको नकआउट चरण मेक्सिको र साउदी अरेवियाबीचको खेलको नतिजामा निर्भर रहनेछ । साउदी अरेवियाले जितेमा उ पनि अन्तिम १६ मा पुग्नेछ ।

यस्तै साउदी अरेवियामाथिको जितले मात्र मेक्सिकोको नकआउट चरण यात्रा तय हुने छैन । उसले अर्जेन्टिना र पोल्याण्डको नतिजामा निर्भर रहनेछ । साउदीलाई हराएर मात्र पुग्दैन, अर्जेन्टिना पोल्याण्डसँग हारेमा मात्र मेक्सिको नकआउट चरमणमा स्थान पाउनेछ ।

यदि अर्जेन्टिनाले हार व्यहोरेको खण्डमा साउदीले मेक्सिकोलाई बराबरीमा रोकेमा साउदीले नै नकआउट चरणमा प्रवेश पाउनेछ । खेल