स्याङ्जा २ र बाजुराको मतगणना शुरु हुँदै, दोलखामा भोलि पुनः मतदान

१४ मंसिर, काठमाडौं । दलहरुबीचको विवादका कारण मतगणना हुन नसकिरहेका स्याङ्जा क्षेत्र नं २ र बाजुराको मतगणना आज रातिबाट शुरु हुने भएको छ । त्यसनिम्ति सर्वदलीय बैठक बस्ने तयारी भइरहेको बताएका छन् ।

दुइटै क्षेत्रमा मतपेटिका संकलन भइसकेकोले सर्वदलीय बैठक राखेर मतगणना शुरु गरिने जिल्लाका मुख्य निर्वाचन अधिकृतको कार्यालयले जनाएको ।

आयोगका प्रवक्ता शालिग्राम शर्माले विवादपछि शुरु हुन नसकेका स्याङ्जा र बाजुराको मत गणना आजै सर्वदलीय बैठक सकेर सुरु हुने बताए ।

कांग्रेस र एमालेका उम्मेदवारबीच एकले अर्कोलाई बुथ कब्जाको आरोप लगाएर विवाद गरेपछि स्याङ्जाको मत गणना स्थगित भएको थियो भने बाजुरामा मतदानका क्रममा झडप भएपछि पुनः मतदान भएको थियो ।

बाजुरामा गठबन्धनको समथृनमा कांग्रेसका बद्रि पाण्डे र एमाालेबाट कणृबहादुर उम्मेदवार छन् भने स्याङजा २ मा कगठबन्धनकै समर्थनमा कांग्रेसका उपसभापति धनराज गुरुङ र एमालेबाट सचिव पद्मा अर्याल उम्मेदवार छन् । अर्यालले यही मंसिर ४ गते भएको निर्वाचनका दिन स्याङ्जा क्षेत्र नम्बर २ का केही मतदान केन्द्रमा बुथ क्याप्चर भएको भन्दै एमालेले पुन मतदान गराउन माग गर्दै निर्वाचन आयोगमा उजुरी दिइकी थिइन् । बाजुरामा पनि यही अवथा थियो ।

तर निर्वाचन आयोगले आज बैठक बसेर दुवै क्षेत्रमा मतगणना सुरु गर्ने निर्णइ गर्दै मुख्य निर्वाचन अधिकृतलाई मतगणना शुरु गर्न निर्देशन दिइसकेको छ ।

दोलखामा पुनः मतदान भोलि

यसैबीच मंसिर ४ का दिन मतदान हुँदा केही मतदान केन्द्रमा झडप भएपछि स्थगित भएका केन्द्रहरुमा भोलि शुक्रबार मतदान हुँदैछ । मतदान गर्ने समय बिहान ७ बजेदेखि बेलुका ५ बजेसम्म खुला रहने आयोगले जनाएको छ ।

स्याङजा र बाजुरामा झैं आयोगले दाेलखा विवादको चुरो पत्ता लगाएर प्रतिवेदन बुझाउन सहसचिवको नेतृत्वमा जाँचबुझ टोली पठाएर स्थलगत रिपोर्ट बुझेको थियो । प्रतिवेदनमाथि छलफल गरेर आयोगले सोमबार मात्र दोलखाका विवादित मतदान केन्द्रहरुमा पुनः मतदान गर्न निर्देशन दिएपछि पुनः मतदानको प्रक्रियामा गएको हो ।