लाइसियम र ग्लेडस्टोन क्वाटरफाइनल प्रवेश

१४ मंसिर, काठमाडौं । लाइसियम प्याराडाइस र ग्लेडस्टोन पाँचौं नेक्सस–संकटा कप छात्र फुटबल प्रतियोगितामा बुधबार क्वाटरफाइनलमा प्रवेश गरेका छन् ।

नेक्सस इन्टरनेसनल एकेडेमी र संकटा युथ क्लबद्वारा संयुक्त आयोजित प्रतियोगितामा लाइसियमले ग्रिनविच एकेडेमीलाई १–० गोलअन्तरले पराजित ग¥यो । गोल आत्माघाती थियो ।

मध्यपुर थिमीस्थित मध्यपुर युथ एसोसिएसनको मैदानमा ग्लेडस्टोनले पाणेनीलाई ५–१ गोलले हरायो । ग्लेडस्टोनका निखिल कार्कीले २ तथा सम्यम कालु, सोहन राजवाहक र सुहान कासुलाले १–१ गोल गरे ।

बधबारको खेलसंगै क्वाटरफाइनल समीकरण तयार भएको छ । क्वाटरफाइनलमा ग्लेडस्टोन भेट आायेजक नेक्सससंग हुनेछ भने लाइसियमले नेपालटार विरुद्ध खेल्ने छ । बाँकी क्वाटरफाइनल लोयल्टी एकेडेमी र अर्किड तथा श्री सञ्जय साइ मन्दिर र बेस्ट ग्रुप भिजन एकेडेमीबीच हुनेछ । क्वाटरफाइनल खेल शनिबारदेखि सुरु हुनेछ ।