कांग्रेसभित्र चुनाव पराजयको असर सभापतिको राजीनामासम्म पुग्यो

१४ मंसिर, बुटवल । गृहमन्त्री बालकृष्ण खाण प्रतिनिधिसभा सदस्यमा पराजित भएपछि रुपन्देही कांग्रेसभित्र अन्तर्घातको आरोप प्रत्यारोप र आन्तरिक किचलो चर्किन थालेको छ । यो क्रम अहिले जिल्ला सभापतिको राजीनामा माग्ने स्तरमा पुगेको छ ।

जिल्लामा रुपन्देही ३ बाट गृहमन्त्री खाँण, रुपन्देही ५ मा भरत शाहले चुनाव हारेका छन् । दुवै जना पार्टीको केन्द्रीय सभापति शेरत्रहादुर देउवा निकटका हुन् । उनीहरूले हारेपछि संस्थापन पक्षले पार्टीभित्रको अन्तर्घातका कारण पराजय व्यहोर्नुपरेको आरोप लगाएका छन् ।

अहिले संस्थापन इतरका ११ जना नेताले बुधबार विज्ञप्ति जारी गर्दै रुपन्देहीमा कांग्रेसको नतिजा निराशाजनक आउनुमा जिल्ला नेतृत्वले नैतिक जिम्मेवारी लिंदै राजीनामा दिनुपर्ने माग गरेका छन् ।

रुपन्देहीमा गृहमन्त्रीका भाइ रामकृष्ण खाण कांग्रेसका जिल्ला सभापति छन् । पदाधिकारीमा संस्थापनकै बाहुल्यता छ ।