स्याङजा २ मतगणनाः धनराज गुरूङभन्दा पद्मा अर्याल २१०० मतान्तरले पछाडि

१६ मंसिर स्याङजा । स्याङ्जा क्षेत्र नम्बर २ मा प्रतिनिधिसभा तथा प्रदेशसभातर्फकाे मतगणना जारी छ । मतगणनाको पछिल्लो परिणमअनुसार सत्ता गठबन्धनका साझा उम्मेदवार नेपाली कांग्रेसका उम्मेदवार धनराज गुरुङले दुई हजारभन्दाा बढी मतान्रले अग्रता कायमै राखेका छन् । अहिलेसम्म गुरुङले १४ हजार ३०६ मत पाएका छन् ।

उनलाई पछ्याइरहेकी नेकपा (एमाले)की उमेदवार पद्मा अर्यालले १२ हजार १३५मत पाएकी छन् । अर्यालले यसअघि सार्वजनिक मत परिणामको तुलनामा मतान्तर घटाएकी छन् । अहिले अर्याल गुरुङभन्दा दुई हजार १७१ मतले पछाडि छिन् ।

राष्ट्रिय स्वतन्त्र पार्टीका टिकराज गुरुङले पाँच हजार ८७६ मत ल्याएका छन् ।