दोलखामा खसेजति मतपत्र फेला नपर्दा मतगणना स्थगित

१६ मंसिर, चरिकोट । प्रतिनिधिसभा प्रत्यक्षको मतगणनाका क्रममा कालिञ्चोक गाउँपालिका वडा नं. १ को कुल खसेको मतमा १४७ मत नभेटेपछि मतगणना स्थगित भएको छ ।

दोलखामा पछिल्लो मतपरिणाम अनुसार गठबन्धनका उम्मेदवार नेकपा (माओवादी केन्द्र) उम्मेदवार गंगा कार्कीले ५ हजार ३५ मत पाएका छन् भने एमालेका बालकृष्ण शिवाकोटीले २ हजार ९ सय २८ मत प्राप्त गरेका छन् ।

प्रदेशसभा (क)तर्फ कांग्रेसका कुन्दनराज काफ्ले एमालेका उम्मेदवारभन्दा अगाडि छन् । (ख)मा भने एमालेका उम्मेदवार अगाडि छन् ।

प्रतिनिधिसभातर्फ एक मात्र निर्वाचन क्षेत्र रहेको दोलखामा मंसिर ४ र १५ गते भएको निर्वाचनमा ८५ हजार ८ सय ३३ मत खसेको थियो ।